MOTAR KWADAYI 1-5

MOTAR KWADAYI PART 1-5
.
Rash Kardam & Khadija Candy
.          
Kalo na kai duba zuwa ga fuskan ta ba laifi, tana da dogon hanci, gata da yalwan gashin gira, wanda ko da batai ja gira ba, hakan ba zai boye kyan da Allah ya mata ba, tana da yar kamar baki, sai manyan idonta masu fisgan mutum, tana da haske dai2 gwargwado, ko dana kara kalonta, tana da dan zayi san’nan ba za’a kirata da guntuwa ba, ba kuma za’ace mata doguwa can ba, tana da jikin ta dan dai2, abun sai wanda ya gani. A hankali ta rinka tafiya, har ta iso gurin masu sai da icce, sallama ta musu, tace baba mai ice aban dami daya, nan ta mika masa naira hamsin, ta zabi mai kyau, wanda tasan zai yi ci, daukowa tayi, ta nufo gida, sauri takeyi don yau basu daura girki da wuri ba, kasan cewan yau Umman ta ke da girki, sauri take har ta iso dan ma dai2cin kofar gidansu, sam bata lura da addah Safiya tana zuwa ba, sai ji tayi sun karo da mutum, ga iccen ya bugeta soaai wani uwar ashar ta narko, Ayshat tuni ta san kame agurin, cikinta ya soma dura ruwa, don ta san yau ta jaza musu kwandon bala’i, bakin ta na bari, tafara Adda dan Allah kiyi hakuri bada sani…… Ai bata karasa ba ta ji saukar dun’du, a bayarta, Inna safiya ce, tace wato bakin halin ki da na uwarki da kika gado, ya sauko kan tilon yata, yar gwal ko don kunga ku bakin jini ya muku yawa, kin rasa mai tayawa shiyasa za’a sauke akan diyata, to ahirr… Bazaku iya ba, tayi muku nisa, nan takama hannun safiya suka nufi cikin gd, safiya sai wani karai raya takeyi, ita ala dole mai kyau, kallo na tsaya kare mata, ba laifi tana da kyau dai2 gwargwado kuma farace ainun amma ta hada da man bleaching, san nan ga duk wanda yasan kyau, Aisha tafi Safiya kyau ita dai safiya farinta yayi yawa, gashi ta hada da man bleaching. Aisha ta dau iccenta, jiki ba kwari ta nufi cikin gd, da sallamarta, tashiga dakunsu, nan ta tarar da ummanta, ta zabga uban ta gumi da sauri tayi gunta idonta fal da hawaye, tace ummah banson kina wan’nan yawan tunanin zai iya jawo miki matsala, wataran sai lbr, kuma duk abunda yayi farko zaiyi karshe, sai da ta tabbatar hankalin umma ya kwanta, ta nufi kitchen don ta musu aikinsu, Aysha kenan yarinya mai hankali da nutsuwa.  
.
  Bayan sallar i’sha aysha na zaune tsakar gida ita da qawarta karima suna fira, Safiya ta fito sanye da wani material riga da saker kayan sunyi mugun kama jikinta ga wani shegen Show ur back daya fitar mata da rabin waya waje sai wani munafikin gyale data dora a kafada ringing wayarta tayi da sauri ta dannan receive ta kara a kunne ” gani zuwa yanzu ” Ido aysha da karima suka bita dasu tana kashe wayar ta watso musu harara ” to kashedi dai wlh nan gani nan bari nafi karfin mutum tsaye da kyau zaune da kyau son kowa kin wadda ya rasa ” ta karasa maganar tana ya mutsar fuskar Ta nufi kofa tana wani yauki wai ita ala dole ga mai farin jini Ajiyar zuciya aysha ta sauke karima ta kalle tace ” tayi abunta banga laifinta ba tana da daraja dan shiyasa a samarukanta baba talaka ” kallon tsoro aysha ta mata ” haba karima ai darajar macce kyau tarbiyarta da kula da kare mutuncinta ba wai tara samari masu kudiba ko saka suturar banza ba dan kinsan duk namijin kirki bazai zo yace yana sonki ba kuma duk wadda ya ganki cikin wannan shigar bazai ga mutuncin kiba ” karima tace ” kuma fa hakane dan wani lokacin zakiga yan iskan ma matar kwarai suke nema in suka tashi aure Allah dai ya shirya mu ” aysha tace amin wannan ai zubarda kimane ( hmmm ina ma yan matanmu zasu gane wannan ba wayeba bane ) Karima ta tashi tana fadin maganar kifa haka take amman fa gamai hankali nikan na tafi aysha saida safe to saida safe karima na gode sai mun hadi school,    
.
Safiya ko tana fita, na hango wata katuwar mota dan nesa da gidansu, wanda garun gidan ya tsufa wani gun ma har ya zube, sai wani yauki takeyi tana karairaya kamar bazata taka kasa ba, bakin nan yaci wani uban janbaki 24hrs, gsky ba laifi safiya tana da kyau, shi yasa yake rudinta take wan’nan rayuwan,( yan mata ina kira gareku da babban murya, kar kuga Allah ya hore muku kyau, ya rudeku ya kaiku ga wata rayuwan da bata da amfani, rayuwa mai cike da nadama acikinta, kusani duk wanda ya hau “MOTAR KWADAYI” zai sauka, tashar wulakanci, Allah ya kyauta, ya Allah kabamu ikon tsare mutuncin mu da kimar mu, dana iyayenmu, Ameen). Ta isa gurin motar nan ta bude kofar ta shiga,ko da na kali na cikin motar matashine baki ne sosai, yana da dan kauri, baya da tsayi sosai, bai wani haduba, in ka kalle shi ka ganta kasan kudinsa tabi, don basu dace ba, Safsey yau kin so ki bata lokaci, cikin yanga da karairaya tace, sorry Mubson na dan tsaya wani abune, yace, kai ya kada don ya san halinta yana cewa zai nuna fushi zata fita a motar, motar ya ja suka bar unguwan. Malam Muhammadu da ke nesa yana kallon yarsan, kai ya kada zuciyarsa cike da bakinciki amma bai isa ya tanka ba uwarta zata mishi ba dadi, kwalla ne ya cika idonsa, “mun tausaya masa.   
.
Suna fita ostrich suka nufa, nan suka sha ice cream dinsu, bayan sun danyi hira kafin ya mata sayya sosai a laida, safiya abun nima ya samu don duk lokacin da saurayi zai kashe mata kudi, to saken fiskanta da ban ne, gari suka zaga sai 10:00pm ya ajiyeta a kofar gidansu,hakan ma saida suka danyi hira, kafin ta marairace ta kashe murya tace my mubarak dina, daman akwai wasu yan kudi nakeso kaban zanyi amfani da su, sai da yayi jim kafin ya ciro 10k ya bata, bata waniyi murna sosai ba, sai dan kawai bata da kudi ta bude kofar motar ta fita ko godia babu, tana fita ya girgiza kai safiya kenan ko godia babu kamar ita ta nemo su,(kira gareku mata kisani duk kan kancin kyautar da mijinki zai miki kizama mai yawan godia kina masa adu’ah da fatan alkairi hakan na kara soyayya, bawai sai matar aure ba, harda yan mata kina yawan yima saurayin ki fatan al’kairi, riba biyi ga yin masa adu’ah, gashi kikara saye zuciyarsa ta yanda zaiji sonki sosai, kuma zaiji dadi). Tana shiga gida, ta ga ummin aysha tafito daga bayi da buta a hannunta, wani kalo mata kafin ta saki shewa hehehe wasu bakin jini ya musu yawa ko mashin shini babu, haka za’a kare acin towo miyar kuka, su da cin mai dadi sai dai suga anayi, “kunu a wani gida”, umma ko ta kanta bata bi ba tashiga daki, mamanta ne ta foto tana mata kirari sai ke yar albarka, kin gadoni ga farin jini ga kyau yar halak, sai wani isa take ita a dole tafi kowa kyau da farin jini, suka nufi dakinsu cikin murna. 
.
WAYE MALAM MUHAMMADU, DA IYALANSA? 
Malam muhammad Sabo asalin sunan sa kenan, malam haifafen cikin garin kaduna ne unguwar tudun wada layin yan kosai, yataso cikin so da kauna gun iyayensa duk da talakawa ne amma suna iya bakin kokarinsi su kyautata masa.    Haka suka dage masa gurin karatun addini, ahaka har yayi saukansa na Al’qur’ani mai girma, bayan shekara 8 da saukarsa Allah yayi ma babansa malam sabo rasuwa, bayan ya rasu haka zaije yayi aiki ya dan samo musu na abinci, ana cikin haka Allah ya hada shi da uwargidansa wato Amina soyayan su sukeyi sosai dakd irama iyayenta ba wasu masu kudi bane, cikin ikon Allah bai samu wahala gurin aurenta ba, akayi biki dai2na talaka a ka kai amarya. Suna zaune cikin kwqnciyan hankali da soda kaunar junansu, haka rayuwansu yayi ta tafiya har suka kai 4 yrs da aure, amma shiru ba wani lbr ko batan wata bata taba yiba, ana haka mahaifiyar malam muhammadu ta tashi da matsanacin ciwon ciki tun kafin akaita asibiti Allah ya karbi abunsa sunyi yan koke, bayan rasuwarta da shekara 2 yan’uwan mahaifin shi suka daga masa hankali wai sai ya kara aure, don matarsa juya ce su kuma suna son ganin jikan dan’uwansu, duk suka tsan gwami amina bata isa tayi abuba su mata caaa a kai, wataran tayi kuka ta koshi harsai ta gode Allah, san’n kulum tanata rokon Allah ya bata yaya na gari masu Albarka. Wasa-wasa yau anshafe shekara da yin maganar aure bako alamar haihuwa, nan suka hura ma muhammadu wuta dole ya sa ya fara neman shawaran Amina ganin ba sarki sai Allah yasa tace ya kara aure kawai, tasan Allah na tare da ita, ciki ba kwari ya fara binciken wace zai aura wanda bazata takura ma Aminarsa ba, ana haka har Allah ya hada sa da Hafsat tayi aure watan 9 da aure ya mutu, sabida tsaban fitinarta, ahaka dai aka lallaba akayi auren ta tare, tun da tazo tasoma tsiran iskanci dayake taji yana son haihuwa. Da gan2 zata fito tasoma sheka amai, ko in amina ce da abinci tace bazata ci ba wai bata son warin iskanci kala2, wai ita a dole cikine da ita, ana hakako bai dadeba Allah ya bata na gsky, karkuso kuga farin ciki agunta.   Tunga wan’nan lokacin hafsat ta dawo hausa wa amina, ga wulakanci iri-iri, wata rana kawar hafsa mai suna asabe tazo nan suka kule adaki, hafsa ta bata lbr gd, asabe tace hafsatu ae bazama zakiyi ba, tashi zamuyi mushiga malamai kisamu kan mijinki(yan’uwa, wai itasamu kan maizatayi dashi? 
.
Mata muringa jin tsoron Allah zuwa gun boka ba abunda zai haifar wa mutum sai danasani da tsananin nadama, ga kuma tarin zunubi, mata muji tsoron Allah adaina biye ma kwayen banza masu bada gurbataciyar shawara, Allah ka tsare mu da zuwa gun boka ameen). Nan hafsa tasa shewa aiko tace inaga ko yau muje,sukaje gun bika ya basu duk wani kule-kule da zai basu, tun daga wan’nan lokacin malam muhammadu ya canza wa amina, har hafsat ta haihu akasamu mace duk da baya da karfi saida tasa yayi abun fitan kunya, yarinya taci sunan Safiya. Safiya tana samun kula daga innarta da malam, duk abinda hafsatu tasa shi yakeyi baya musu, amina kam ta dawo yar kalo a gdn bata iya katabus, abinci ma sai am samata wani sa’in, haka sukayita rayuwa a dafe har shekara tazago da watani, amina tana hakuri tana kuma rokon Allah ya bata ikon cin jarabawar da yamata. Safiyar ranan alhamis amina ta tashi da zazazi mai zafi ga komai taci sai ta amayar dashi, ga yawan tara yawu, kwanata uku tana jin jiki kafin ranan yarta tazo dubata taga halin da take ciki, nan tayita fada sosai a gdn, kafin ta kaita asibiti, gwajin farko aka saida musu tana dauke da juna biyi na wata daya da sati 2, godia tayima Allah,( ni da candy muralna fal cikin mu, haka rayuwa take mutum yakasance mai hakuri da gode ma Allah a kowani hali kake sai ya maka sakayya da kyauta mafi kyau, kamar yanda yayi wa Amina). Ko da suka dawo gd, aka shai da sa malam ba karamin murna yayina akasar zuciyarsa, amma afili yakasa furwa.   
.
Hafsatu kam batayi murna ba don batado hakaba, amina tayita rainon cikinta har takai wata tara, inna hafsatu tasa shi yasayi kayan haihuwa kadan san’nan ya saya ma safiya na fitar suna. Ranan jumma da daddare na kuda ya taso ma amina, tarasa ya zatayi da kyar ta rarrafa take kofar dakin hafsatu tana dukar kofar, malam ya taso zai bude tace bari ta bude ko da ta bude amina ta gani cikin daga murya tace ke lfy kike tashin mutane da daren haka, sai da ta ciza labbe kafin tace marata ke ciwo ina tsammanin na kudane, mtss taja zaki ta mayar da kofar ta rufe, malam ya ji abunda sukayi da kyar ya roki hafsat akan sukaita asibiti kar ta mutu, “azuciyar ta ko cea take ae da ta mutun da sai na fi kowa farinciki” da kyar ta barshi ya kaita asibiti, suna zuwa ba a dau lokaciba ta haifo yarta kyayawa tubarkala, sai wacce ta gani, ko da suka dawo gd safe yan’uwanta suka zo nan aka bar babanta ita tazauna mata ajiki, haka sukayi kwana shida ana gobe suna malam ya sayo katon rago nan rikici ya tashi inna hafsatu tace ita nata akuya aka yanka dan haka ba za’a yanka ma amina rago riki sukayi har saida yamata alkawarin zai bata kudi ta hakura, ranan suna yar taci sunan Ayshatu sunan mahaifiyar malam, yan’uwan amina sunyi iya kokarinsu, sun mata Kaya ita da babynta masu kyau. Kwanaki sun tashi wata ya shude, shekara sun wuce, haka rayuwan gd ya kasance, yara kuwa sunyi wayo sosai, sun girma, duk wanda yazo gd kuwa sai ya gane irin ban2ci ake nuna ma amina da yarta, ga hafsatu ta kalamae malam da asiri bai isa ya ja da maganarta ba, sai abunda ta tsara, wani lokacin in tana masa masifa sai dai ya sukuyar da kansa kasa yana jinta, intagama ya bata hakuri, abun gwanin tausayi.    Haka rayuwan gidan ya kasance, yau dad’i gobe ba dad’i. Malam Muhammad yasa safiya da Aysha, a primary sun fara zuwa kamar a’bun kirki safiya tace”ita bazata iya zuwa ba. ta gaji da wani zuwa makaranta. Da ky’ar Malam Muhammad”ya lallaba safiya taci gaba da zuwa kama ranta, har suka gama primary. Aysha kam ta kasance mai son karatu bata wasa ko a class ita ke zuwa musu na d’aya, hakan bak’aramin tayar ma safiya hankali yayi ba, wani sa’in kam cewa take “Aysha tana satar amsa ne take cin jara bawa. Ko da suka tafi secondary Safiya na Jss2, Aysha ke Jss1,Malama’i sun santa sabida k’okarinta, jarabawar da tayi na na zango farko, ita tazo na d’aya. Ta samu ky’autu’tuka.

****

kw’anak’i sun ja, watan’ni sun shud’e, shekaru sun tafi. Safiya ta dawo cik’ak’iyar budurwa mai ji da kanta, makaranta ma sai ta ga dama take zuwa, ita ce gun party, da duk wani gurin hutawa ta san da zamansh’i. Sam bata harka da yaran area su, sai ya’yan masu kud’i. Samaru kanta kuwa bazaki ce ga yawan su ba, don in dai zaka bata kud’i ko nawa ne zata sau’rareka, shiyasa ni da Candy “mun mata lak’ani da Lashe Money…lol… Bare kuma in kana da mota ae kaine abun so da k’auna.( kira gare ku Yan’mata, karki d’au son duniya da ky’ale’ky’alen cikinta su rud’e ki, kina biye ma Samarin Zamani, don zasu kaiki su bari ki, Samarin yanzu ya’wanci su yan’karya ne, kuyi hattara). 
.
Aysha ko tana da ky’au sosai don duk wanda yasan sirri ky’au to ta fi Safiya, sai dai Aysha baka ce bakuma irin baka wuluk ba, tana da haske ga bakinta mai shining ne, k’irjinta sun cika gw’anin bur’gewa, ga maza’unata das-das da su.tana da diri mai ky’au, tamkar ita tayi kanta.    Aysha tana da nitsuwa ga hankali, bata da k’awaye daya, bata cika son hayaniya ba, k’awarta d’ayace, “Karima yar makw’abtan su, tana da hankali ga kok’ari itama. Sh’iya yasa k’awance yazo d’aya. Duk ranar girki Amina. “Aysha keyi musu girki.in girki su “Safiya ne sam abinci ba ka’i, sukanyi harda na mugunta, sab’ani su Aysha”da sukeyi mai k’yau ga dad’i. “Safiya kulum sai taje yaw’onta da dad’dare zata dawo musu da kayan mak’ula’she su ci, sai sun ga dama suke cin abinci gidan.Su Safiya”kulum sai sun’yi g’ori ma su Aysha, mai bak’in jini ta gada a gun uwarta, kar’ana sa musu ido, nan gani nan bari d’um’amen mayya. Sam bai damunsu daman sun saba shiyasa hidimar gabansu suke yi. 
.
CI GABAN LABARI
Safiya zaune take gaban mir’o, tana kwaliya nuna ma sa’a don jiran sau’rayinta za’izo, yau zasu fita, sosai tayi ky’au dogon riga tasaka bak’i da ratsin golden ba karamin ky’au tayiba, ga fiskan ta sha mai har yana ja-ja. ta fesa turare Black Bond sai k’amsh’i take zubawa, ta zauna zaman jira iso’warsa.
.
Idris mai Car wash, gaye ne na karshe gun ky’au ba laifi, yana da ky’au abu d’aya ya masa cikas shine kud’i. Tun yamma ya wanke motar Bala da ya kawo masa wanki, yace”ka bari a gunka zan tafi zari’a gobe in’na dawo zan’zo in k’arba. Da murna ya amshi key din don yau zasu fita da Sofy. Aiki yayi ya kirga kud’i yaga 5k ne lallausar mur’mush’i ya saki, don ya san kud’i zai ish’esa in ya had’a dana gd. Yana barin gun aiki kasuwa ya nufa, ya say’o sabuwar rigansa na 1k, yana dawo’wa gd ya gogeta da sabuwar jeans dina black colour, sai dare yayi wankansa ya fesa turaren sa Professional da Askiya kamsh’in suka had’u sai ka dage ka gane wane irin turare yasa. Motarsa ya ja sai k’ofar gidan su Sofy. Wayanta ya kira tace “gani fit’owa My luv, Ba ta dad’e ba ta fito. Sai wani ya’uki takeyi, ganin motar daya ke ciki k’arshe ne. Wani lallausan mur’mush’i ta saki tana sh’iga motar ya tayar suka bar unguwan, Malam Muhammad da ke gefe ta kaici ya ish’esa”wai yata ce zata na wan’an halin, tamkar bani na ha’ifeta ba”, Ya Allah ka shirya min ita, ka musu Albarka.( kira gareku iya’ye duk halin da kuka ga yaranku, ku na r’oka musu sh’iriya, a gun Allah, sh’iyake sh’iryarwa, Ya Allah ka sh’iryar damu baki d’aya Ameen).
.
Tunda suka fita, basu suka daw’o ba sai 10:00pm parker motar yayi, cikin salon ya’udara ya rik’o han’nuta my Swt Hrt yace “yanzu sai ya’ushe?. Safiya “kai ta rausaya, sai na jika. All rights!!. Zaki jini a waya ok!! Tace, han’nuta yak’ara rik’ewa, ta kashe masa ido. Da ky’ar ya barta, tashiga gida.(Kira gareku Yan’mata duk dad’in ki da sa’urayi karki bari ya fara rik’e han’nuki daga nan zai soma zarcewa, kin bash’i k’ofar da zai samu damar taba jikinki daga nan kuma shai’dan zai ingiza ku ga fadawa halaka, ayi hattara Yan’mata).lai’dan da yayi mata sayayya ta da’uka ta masa bye-bye ta nufi gida. Dakin kwan’su ta nufa kasan’cewar yau Malam na dakin maman ta ne, ganin Aysha na bacci da gan-gan ta take k’afarta don ta tash’i ta bata haush’i, sanin halin Safiya yasa bata kulata ba. Safiya “ta karaci habaicinta ganin Aysha bata amsa mata ba. Ta dau ledar mamanta taje kai mata. Kafin ta fita tace”saura b’era ya min sata. Aysha “ko kalon inda kayan yake batayi ba, ta sake kw’anciyarta.
.
KUNA TARE DA NI MU CI GABA?